Alveg róleg

Saga Evudóttir Eldarsdóttir heldur áfram að vera hress og ánægð. Er nýkomin úr tveggja vikna ferðalagi litlu fjölskyldunnar til Svíþjóð (myndir úr því ferðalagi á leiðinni) með tvær litlar, en myndarlegar, tennur í gómnum. Þær stækka ört. Eins og sjá má á myndunum heldur Saga upp á nýju monsuna sína (sem og Bríet Birnu) og var hin hressasta í 30 ára afmæli pabba síns.

Snæfellsnes

Litla-fjölskyldan fór út úr bænum um hvítasunnuhelgina, alla leið á Snæfellsnes. Gistum eina nótt á gistiheimili á Arnarstapa, fórum í góðan göngutúr um svæðið og á yndislegt kaffihús; Fjörhúsið í Hellnar. Keyrðum síðan fyrir nesið og gistum á Hótel Framnes í hinum fallega Grundarfjarðarbæ. Pizza og bjór tekin í kvöldsólinni á Kaffi 59, sem stendur við aðalgötu bæjarins. Framtaksemi Pabbans í bloggheimum hefur nú komið því til leiðar að myndirnar úr ferðinni eru hér með komnar á netið. Gleðilegan 17. júní! Áfram Ísland! Til hamingu með 6 mánaða afmælið Saga!!