Myndasagan heldur áfram...

Hér eru nokkrar myndir frá ævintýrum Sögu síðustu daga. Komið var að henni í símanum þar sem hún var að reyna smala saman fleiri krílum á Skúlagötuna. Afgangurinn af litlu fjölskyldunni greip inn í, eitt kríli á heimilinu er alveg nóg í bili. Litli Garcia, sem er 3 dögum yngri en Saga, mætti þó galvaskur og dró mömmu sína með. Fleiri fínar frúr létu sjá sig og tveir félagar sem enn eru í mallakút. Alaska útbjó og splæsti stjörnukorti á skvísuna þar sem m.a. kemur fram að Saga er töfrandi persónuleiki, mikil félagsvera og eigi eftir að vinna að heimsmálunum í framtíðinni.

Saga og mamma í baði

Saga skellti sér í bað með Mömmu sinni. Stúlkunni finnst alltaf jafn notalegt að busla og láta fara vel um sig í heita vatninu.

Mánaðargömul

Í tilefni af mánaðarammæli Sögu var hóað í nokkra góðvini hennar fyrir myndatöku á skiptiborðinu. Hér má sjá, talið efst frá vinstri; Búllu (kanínu sem kemur allaleið frá Búlgaríu), Mustafa (sebrahest úr Hafnarfirðinum), Nínu Karínu (kanínu), Óla Björn (ísbjörn), Rasmus (bangsa), Jóhönnu Sigurðardóttur (hvít-bangsa), Alexöndru Viktoríu (skjaldböku, sem á góðum stundum er kölluð Alla), Kjærleikur (bangsa) og síðast en ekki síst Voffa (rugguhest).

>> PS Svo óskum við litla fjölskyldan Kikku & Bigga hjartanlega til hamingju með litlu dísina þeirra, sem kom í heiminn sunnudaginn 14. janúar.

Fjögurra vikna ammæli

Saga orðin fjögurra vikna og farið að styttast í mánaðarammælið, 17. janúar. Hér eru nokkrar myndir frá síðustu dögum nýju litlu fjölskyldunnar - sem fór m.a. í ammæli til Hóffí frænku í Mosfellsbænum þar sem Saga undi sér vel í fangi Langafa og Langömmu, sem söng fyrir hana vísur.

Þá og nú...

Treyjan með grænu böngsunum, sem var fyrst notuð af Pabba fyrir 30 árum, er komin aftur í notkun. Hér má sjá myndir af feðginunum á svipuðum aldri í treyjunni - og nokkrar fleiri frá bernsku Pabba.

1977









2007








2007










1977












2007













1977










1977










1977










1977

Saga og pabbi í baði

Saga og Pabbi fóru í bað saman og fíluðu það vel. Saga var svolítið hissa við að komast í svona stórt baðkar og skiljanlega nokkuð hugsi yfir því, enda aðeins vön baði í bala. En var annars ánægð með svamlið og virðist njóta sín vel í vatni.