sunnudagur, 23. desember 2007

Jólakveðja

Jólin eru hasar í verslunarmiðstöð. En ekki fyrir Sögu, ekki enn. Enda tók hún sig til og sópaði saman öllum vinum sínum á heimilinu í jólamyndatöku. Þar sem allir skemmtu sér hið besta. Saga og félagar óska öllum gleðilegra jóla!










föstudagur, 21. desember 2007

Afmælisbarn

Saga fagnaði árs afmæli sínu með heilli afmælishelgi daganna 15. og 16. desember. Slegið var upp tveim stórskemmtilegum afmælisveislum,heima á Skúlagötunni á laugardeginum og síðan hjá Ömmu og Afa í Kópavoginum á sunnudeginum. Þökkum öllum sem komu og fögnuðu tímamótunum með okkur kærlega fyrir frábærar stundir og góðar gjafir. Takk fyrir okkur!

- Eldar, Eva og Saga


























fimmtudagur, 20. desember 2007

Saga, enn að rölta og brölta

Erum búin að vera svolítið löt við að pota vídeo-um hérna inn á bloggið, en hérna er það nýjasta. Myndavélinni snúið á hlið til að byrja með (það batnar) og lýsing ekki upp á sitt besta, en það er betra en ekkert - ekki satt Hrefna frænka? (það var búið að lofa henni eitt stykki vídeo-i fyrir löööngu...)

miðvikudagur, 12. desember 2007

Á röltinu

Fyrst fór Saga að standa upp í rúminu sínu, síðan að fikra sig upp við stóla og borð til næla sér í síma, lykla og aðra lausahluti - og nú er hún farin að rölta um íbúðina með nýja vagninn sinn. Óli Björn fær að fljóta með í farangursgeymslunni. Hún er líka dugleg að skutlast um gólfin í göngugrindinni sem hún fékk lánaða hjá Elísabetu Nördu, stórvinkonu sinni úr Vesturbænum. Hér má líka sjá Sögu fagna 81 árs afmæli Ömmu Löngu, þar sem Eldar Hrafn (sem nú er orðinn liðtækur bloggari) lét sjá sig.