Andalúsía

Litla fjölskyldan dvaldi í vægast sagt góðu yfirlæti við Marbella í Andalúsíu tvær vikur í ágúst. Þökkum Brynju, Steina og Mýrúnu fyrir yndislegar stundir.

Gíbraltar

Litla fjölskyldan fór í dagsferð til Gíbraltar á meðan hún dvaldi í vellistingum í Andalúsíu. Saga skemmti sér vel á þessu sögufræga horni Íberíuskagans, þar sem Bretar ráða lögum og lofum.

Í boltanum

Kná með knöttinn í Nýju Andalúsíu. Stutt í að króinn verði skráður í yngri flokkana hjá Þrótti...enda Mamma köttari nr. 137.

Nýr litli frændi

Saga eignaðist glænýjan frænda á dögunum. Sá er engin smásmíð og ber klárlega af í myndarleika. Litla fjölskyldan fór í heimsókn til "litla snúðs" í síðustu viku og höfum, þangað til í dag, velt fyrir okkur hvað hann myndi heita. En í dag fékk hann nafn og heitir hvorki meira né minna en Eldar Hrafn. Nafn sem hæfir honum mjög vel - og gerir pabba Sögu afskaplega stoltan (svo ekki sé meira sagt). Það verður sko passað extra vel upp á þennan nýja frænda.

Litla fjölskyldan óskar foreldrunum hjartanlega til hamingju með Eldar Hrafn, og honum sjálfum til hamingju með nafnið!