Áramótakveðja

Litla fjölskyldan var í góðu yfirlæti hjá Ömmu og Afa í Birkihvamminum um áramótin. Saga ekki með neitt partý-stand eða rakettuvésen, þannig að það eru engar glysmyndir til af skvísunni. En hérna koma nokkrar frá síðustu dögum ársins, þar sem Saga fór m.a. í bað í annað sinn á ævinni og tók á móti vel völdum gestum.

JólaSaga

Fögnuðum viku ammæli Sögu á aðfangadagskvöld hérna á Skúlagötunni. Fyrr um daginn hafði Saga farið í jólasund - og sprengt þar alla krútt-kvarða, en eins og þið sjáið má krútt kynslóðin sko fara vara sig! Tvö jólaboð tekinn með áhlaupi daginn eftir og var nýjasta meðlimi familíunnar tekið fagnandi á báðum vígstöðum, þó Saga hafi látið lítið fyrir sér fara og sofið að mestu. Stöngin inn!

Þorláksmessa

Fleiri góðir gestir komu í heimsókn til Sögu á Þorláksmessu. Sumir allaleið frá Danmörku, aðrir úr Birkihvamminum og nágrenninu hérna 105 meginn við Snorrabrautina. Guðrún ljósmóðir kom í sína síðustu reglulegu heimaskoðun, en hún hefur reynst okkur ótrúlega vel. Góður dagur, frábært kvöld.

Góðir gestir

Viðbót við myndaSöguna. Nokkur skot frá síðustu dögum "nýju" litlu fjölskyldunnar. Eins og sjá má hafa margir góðir gestir kíkt til okkar á Skúlagötuna til að heilsa upp á Sögu. Þökkum kærlega fyrir allar þessar góðu heimsóknir og þær fallegu gjafir sem Saga hefur fengið!

Gestabók

Við höfum opnað gestabók fyrir Sögu þar sem gestir síðunnar geta skilið eftir skilaboð. Smelltu hér til að heimsækja gestabókina.

Abu Saga

Pabbi getur nú með réttu stoltur kallað sig Abu Saga, eða föður Sögu. Það er ekki leiðinlegt, enda hefur honum langað í "Abu" nafn síðan hann fór til Palestínu og kynntist köppum sem kölluðu sig tveimur nöfnum, skírnarnafni og Abu nafni eftir elsta syni eða dóttur. Eins og sjá má á fyrstu myndinni er Abu Saga stundum þreyttur, enda ekki með sömu hetju-eiginleikana og mamma (Umm Saga, móðir Sögu). En hann gerir sitt allra besta fyrir Söguna sína, alltaf. Enda er Saga orðin svolítil pabbastelpa.